Header Ads

  • சற்று முன்

    அமைச்சரவை கூட்டம் நாளை நடைபெற உள்ளது. மருத்துவ நிபுணர்களுடனும் முதல்வர் ஆலோசனை நடத்துகிறார்


       
    அமைச்சரவை ஆலோசனை கூட்டம் மற்றும் மருத்துவ நிபுணர் குழுவுடன் முதலமைச்சர் எடப்பாடி பழனிசாமி நாளை ஆலோசனை நடத்த உள்ளார். 

    இந்தியா முழுவதும் கொரோனா வைரஸ் தாக்கம் நாளுக்கு நாள் அதிகரித்து வருகிறது.

    தமிழகத்தில் இதுவரை இல்லாத அளவிற்கு அதிகபட்சமாக நேற்று ஒரே நாளில் 1,989 பேருக்கு கொரோனா தொற்று உறுதி செய்யப்பட்டுள்ளது.

    இதன் மூலம் தமிழகத்தில் கொரோனாவால் பாதிக்கப்பட்டவர்களின் எண்ணிக்கை 42,687 ஆக அதிகரித்துள்ளது. தமிழகத்தில் தொடர்ந்து 14 வது நாளாக கொரோனா பாதிப்பு ஆயிரத்தைத் தாண்டி பதிவாகியுள்ளது. சென்னையில் கொரோனா பாதிப்பு எண்ணிக்கை 30 ஆயிரத்தை கடந்துள்ளது.

    இந்நிலையில், கொரோனா தொற்று அதிகரித்து வரும் நிலையில் நாளை அமைச்சரவை கூட்டம் நடைபெற உள்ளது. அதனைத் தொடர்ந்து மருத்துவ நிபுணர் குழுவுடன் முதலமைச்சர் எடப்பாடி பழனிசாமி  ஆலோசனை நடத்த உள்ளார்.

     சென்னை தலைமை செயலகத்தில் திங்கட்கிழமை காலை 11 மணிக்கு ஆலோசனை கூட்டம் நடைபெற உள்ளதாக தகவல்கள் வெளியாகி உள்ளன. 

    வரும்17-ம் தேதி பிரதமருடன் முதலமைச்சர் ஆலோசனை மேற்கொள்ள உள்ள நிலையில் இந்த ஆலோசனை கூட்டம் முக்கியத்துவம் வாய்ந்ததாக கருதப்படுகிறது.

    No comments

    Post Top Ad

    Post Bottom Ad