Header Ads

  • சற்று முன்

    சாதி ஆணவத்தோடு பேசிய நெட்டிசன். சாட்டையடி கொடுத்த நடிகை ரித்விகா.

    தமிழில் பரதேசி, மெட்ராஸ், ஒரு நாள் கூத்து, கபாலி உள்ளிட்ட பல படங்களில் நடித்திருப்பவர் ரித்விகா. அவர் விஜய் டிவியில் கமல் ஹாசன் தொகுத்து வழங்கி வரும் பிக் பாஸ் நிகழ்ச்சியின் இரண்டாவது சீசனில் போட்டியாளராக கலந்து கொண்டார். அந்த சீசனில் வெற்றி பெற்றது இவர் தான். அந்த நிகழ்ச்சி மூலமாக அதிக அளவு ரசிகர்களையும் பெற்றார் ரித்விகா.

    அதற்குப் பிறகு இரண்டாம் உலகப் போரின் கடைசி குண்டு, டார்ச் லைட், வால்டர் உள்ளிட்ட சில படங்களில் நடித்திருந்த ரித்விகா தற்போது கைவசம் 3 படங்கள் வைத்திருக்கிறார்.

    இந்நிலையில் சமூக வலைத்தளங்களில் ரித்விகா எப்போதும் ஆக்டிவாக இருக்கிறார். தன்னுடைய புகைப்படங்கள் பலவற்றையும் தொடர்ந்து அவர் பதிவிட்டு வருகிறார். அதற்கு ரசிகர்கள் மத்தியில் நல்ல வரவேற்பு கிடைத்து வருகிறது. இந்நிலையில் ரித்விகா பதிவிட்டு இருந்த ஒரு புகைப்படத்தில் ஒரு நபர் ஜாதி பெயரை குறிப்பிட்டு மிக மோசமாக விமர்சித்து இருந்தார். அவருக்கு பதிலடி கொடுக்கும் விதத்தில் ரித்விகா கோபத்துடன் பேசியுள்ளார். "சரிங்க மிஸ்டர் பாடு,  சாரி Mr. மாடு" என அவருக்கு பதிலடி கொடுத்துள்ளார்.

    ரித்விகா இப்படி அவருக்கு பதிலடி கொடுத்து இருப்பதற்கு சமூக வலைத்தளங்களில் பாராட்டுக்கள் குவிந்து வருகிறது. மேலும் இது பற்றி ஒரு அறிக்கை ஒன்றையும் ட்விட்டரில் ரித்விகா வெளியிட்டுள்ளார்.

    "இது போன்று எனக்கு வரும் விமர்சனங்கள் புதிதல்ல. இதற்கும் இனி வருமின் அதற்கான பதிலாகவும்..." என குறிப்பிட்டு அதில் அவர் கூறியிருப்பதாவது..

    "தலித்தாக இருப்பின்‌ மிக்க மகிழ்ச்சி அடைந்திருப்பேன்‌. என்ன செய்ய? அப்பாக்கியம்‌ நானடையேன்‌. நானும்‌ அடக்குமுறைகள்‌ செய்த குற்றமிகு ஆதிக்க சாதிகளுள்‌ பிறந்தவள்‌ தான்‌. வருந்துகிறேன்‌. இனியாவது சாதிகளற்ற சமூகமாக மனிதர்களாக வாழ முயற்சிப்போம்‌. நிற்க. ஒரு வகையில்‌ நானும்‌ தலித்‌ தான்‌.
    ஒடுக்கப்பட்டோர்‌ அனைவரும்‌ தலித்‌ எனின்‌ பெண்ணாகிய நானும்‌ தலித்‌ தானே. காலங்காலமாக ஆண்களால்‌ ஒடுக்கப்பட்டோர்‌ தானே. ஆம்‌ தலித்‌. எம்மை தலித்தாக்கிய பிழையும்‌ பாவமும்‌ தங்கள்‌ ஆணினத்தையே சாரும்‌. மற்றபடி எம்‌ அழகை பாராட்டியதற்கு நன்றி. பி.கு : தலித்‌ பெண்கள்‌ என்னை விட அழகு," என ரித்விகா கூறி உள்ளார்.

    No comments

    Post Top Ad

    Post Bottom Ad