Header Ads

  • சற்று முன்

    தமிழகத்தில் அதிகரிக்கும் கருப்பு பூஞ்சை....

     


    கொரோனா தொற்றிலிருந்து மீண்டு வந்தவர்களுக்கு, கருப்பு பூஞ்சை நோய் (மியூகோர் மைகோசிஸ்) என்ற தொற்று பரவத் தொடங்கியுள்ளது. இந்நிலையில் நேற்று தூத்துக்குடி மாவட்டத்தை சேர்ந்த ஒருவர் கருப்பு பூஞ்சை நோயால் உயிரிழந்துள்ளார். தற்போது விழுப்புரம் மாவட்டம் செஞ்சி பகுதியைச் சேர்ந்த 70 வயது முதியவர், கோலியனூரைச் சேர்ந்த 52 வயது நபர், திண்டிவனத்தைச் சேர்ந்த 65 வயது நபர் ஆகிய 3 பேர், கருப்பு பூஞ்சை நோயால் பாதிக்கப்பட்டுள்ளனர். இவர்களில் 2 பேர் விழுப்புரம் தனியார் மருத்துவமனையிலும், ஒருவர் சென்னையில் உள்ள தனியார் மருத்துவமனையிலும் சிகிச்சைக்காக அனுமதிக்கப்பட்டுள்ளனர்.


    மதுரை மாவட்டத்தில் மட்டும் 50-க்கும் மேற்பட்டோர் இந்த நோயால் பாதிக்கப்பட்டுள்ளனர். சேலம் மாவட்டம் மேட்டூரில் கொரோனாவால் பாதிக்கப்பட்ட இளைஞர் ஒருவருக்கு கருப்பு பூஞ்சை நோயும் ஒரே நேரத்தில் தாக்கி, பார்வையைப் பறித்துள்ளது. சென்னையில் 12 வயதுச் சிறுமி இந்த நோயால் பாதிக்கப்பட்டிருக்கிறார். கிட்டத்தட்ட தமிழகத்தின் அனைத்து மாவட்டங்களிலும் இந்த நோயின் பாதிப்புகள் தென்படத் தொடங்கியுள்ளன. கண் பார்வையைப் பறிப்பது மட்டுமின்றி, மூளைக்கும் வேகமாகப் பரவி உயிரையும் பறிக்கக்கூடும் என்பதால் பொதுமக்கள் கவனமுடன் இருக்க வேண்டும்.


    கொரோனாவால் பாதிக்கப்படாதவர்களும் கூட, சர்க்கரை அளவு அதிகமாக இருக்கும்பட்சத்தில் மிகவும் எச்சரிக்கையாக இருக்க வேண்டியது அவசியம். கண்களில் வீக்கம், வலி, கண்கள் சிவத்தல், பார்வைத் திறன் குறைதல், முகத்தில் வீக்கம், மூக்கிலிருந்து குருதி கலந்த திரவம் வடிதல் ஆகியவை கருப்பு பூஞ்சை நோயின் அறிகுறிகள் ஆகும்.


    சென்னையில் உள்ள மல்டி ஸ்பெஷாலிட்டி மருத்துவமனைகள், புதுச்சேரி ஜிப்மர் மருத்துவமனையில் மட்டும் தற்போது சிகிச்சை அளிக்கப்பட்டுவருகிறது. இந்நோயை குணப்படுத்துவதற்கான ஆம்போடெரிசின்-பி (Amphotericin B) எனப்படும் ஊசி மருந்துக்கு கடுமையாகத் தட்டுப்பாடு உள்ளது என கூறப்படுகிறது.


    No comments

    Post Top Ad

    Post Bottom Ad