Header Ads

  • சற்று முன்

    சபாநாயகர் பதவிக்கு திமுக எம்.எல்.ஏ அப்பாவு மனுதாக்கல்...போட்டியின்றி தேர்வு செய்ய வாய்ப்பு...


    நடந்து முடிந்த சட்டமன்ற தேர்தலில் திமுக 125 தொகுதிகளில் வெற்றி பெற்றதை தொடர்ந்து, திமுக தலைவர் மு க ஸ்டாலின் தலைமையில் அமைச்சரவை கடந்த 7ஆம் தேதி தனிப்பெரும்பான்மையுடன் பதவியேற்றுக் கொண்டது. இதையடுத்து, இன்று காலை சட்டப்பேரவை கூட்டத்தொடர் கலைவாணர் அரங்கில்  தொடங்கியது. 16 ஆவது சட்டப்பேரவையின் முதல் கூட்டத்திற்கு வருகை தந்த முதலமைச்சர் மு.க.ஸ்டாலினுக்கு, தற்காலிக பேரவைத் தலைவர் கு.பிச்சாண்டி மலர்கொத்து கொடுத்து வரவேற்றார். 

    ஏற்கெனவே அறிவிக்கப்பட்டபடி, தேர்தலில் வெற்றிபெற்ற  சட்டமன்ற உறுப்பினர்கள் இன்று பதவியேற்றுக்கொண்டனர். அவர்களுக்கு தற்காலிக சபாநாயகர் கு.பிச்சாண்டி பதவிப் பிரமாணம் செய்து வைத்தார்.

    மேலும்  தமிழ்நாடு சட்டப்பேரவைத் தலைவராக, திமுக சார்பில் அப்பாவு போட்டியிடுவதற்கான வேட்புமனுவை முதலமைச்சர் மு.க.ஸ்டாலின் மற்றும் நீர்ப்பாசனத்துறை அமைச்சர் துரைமுருகன் ஆகியோர் சட்டப் பேரவைச் செயலாளரிடம் தாக்கல் செய்தனர்.


     

    இதனை தொடர்ந்து, தமிழக சட்டப்பேரவையின் சபாநாயகர் பதவிக்கு போட்டியிடும் திமுக எம்.எல்.ஏ  அப்பாவு வேட்புமனு தாக்கல் செய்தார். அப்போது முதலமைச்சர் மு.க.ஸ்டாலின் மற்றும் அமைச்சர் துரைமுருகன் ஆகியோர் உடனிருந்தனர். வேறு யாரும் வேட்புமனு தாக்கல் செய்யாததால், திமுக எம்.எல்.ஏ அப்பாவு போட்டியின்றி தேர்வு செய்யப்படுவார் என தெரிகிறது.


    No comments

    Post Top Ad

    Post Bottom Ad