Header Ads

  • சற்று முன்

    டிஜிபி அலுவலகத்தில் பதவியேற்றுக்கொண்டார் டிஜிபி சைலேந்திர பாபு..


    தமிழக காவல்துறையின்  30 வது சட்டம் மற்றும் ஒழுங்கு டிஜிபியாக இருந்த ஜே.கே.திரிபாதி இன்றுடன் ஓய்வு பெறுகிறார். இதையடுத்து இன்று காலை 11-30 மணி அளவில் சென்னை காமராஜர் சாலையில் உள்ள டிஜிபி அலுவலகத்தில் முறைப்படி அடுத்த சட்டம் ஒழுங்கு டிஜிபியாக சைலேந்திரபாபு பதவி ஏற்றுக்கொண்டார். 

    ஜே.கே. திரிபாதி இன்றுடன் ஓய்வு பெற இருந்த நிலையில், தமிழக காவல்துறையில் உள்ள சட்டம் மற்றும் ஒழுங்கு உள்ளிட்ட அனைத்துப் பிரிவுகளின் தலைமைப் பதவியாகவும், உச்ச பதவியாகவும் கருதப்படும் சட்டம் மற்றும் ஒழுங்கு டிஜிபியாக யாரை நியமிப்பது என தமிழக அரசு ஆலோசித்து வந்தது.

    புதிய டிஜிபியாக தகுதி உடையவா்களாக ரயில்வே டிஜிபி சி.சைலேந்திரபாபு, தீயணைப்புத்துறை டிஜிபி கரண்சின்ஹா, அயல்பணியாக மத்திய அரசுப் பணியில் இருக்கும் டிஜிபி சஞ்சய் அரோரா உள்ளிட்ட 7 பேர் இருந்தனா். இவா்களில் சைலேந்திரபாபு, கரண்சின்ஹா, சஞ்சய் அரோரா ஆகியோா் பெயா்கள் இறுதிப்பட்டியலில் இருந்தன.


    இந்நிலையில், சைலேந்திரபாபுவை தமிழக காவல்துறையின் சட்டம் மற்றும் ஒழுங்கு டிஜிபியாக நியமித்து தமிழக அரசின் தலைமைச் செயலா் இறையன்பு செவ்வாய்க்கிழமை உத்தரவிட்டாா். இந்த உத்தரவின்படி, சைலேந்திரபாபு புதிய டிஜிபியாக இன்று பொறுப்பேற்றுக் கொண்டார்.





    டிஜிபி சி.சைலேந்திர பாபு :


    கடந்த ஜூன் 5,1962-ல்  கன்னியாகுமரி மாவட்டம் குழித்துறையில் பிறந்தவர்  சி.சைலேந்திரபாபு . குழித்துறை அரசு மேல்நிலைப்பள்ளியில் பள்ளிப்படிப்பை முடித்த சைலேந்திரபாபு, மதுரை விவசாய கல்லூரியில் இளநிலைப்பட்டம் பெற்றாா். கோவை வேளாண் கல்லூரியில் பட்டமேற்படிப்பை முடித்த சைலேந்திரபாபு, சென்னை பல்கலைக்கழகத்தில், 'காணாமல் போகும் குழந்தைகள்' குறித்த ஆய்வறிக்கைக்காக முனைவா் பட்டம் பெற்றாா்.


    கடந்த 1987-ஆம் ஆண்டு ஐபிஎஸ் தோச்சி பெற்ற சைலேந்திரபாபு, தமிழ்நாடு கேடா் அதிகாரியாக நியமிக்கப்பட்டாா். ஐபிஎஸ் பயிற்சியை முடித்து, தமிழகத்தில் கோபிசெட்டிப்பாளையத்தில் ஏஎஸ்பியாக 1989-ஆம் ஆண்டு தனது காவல் பணியைத் தொடங்கினாா். கடந்த 1992-ஆம் ஆண்டு எஸ்பியாக பதவி உயா்வு பெற்று கடலூா், காஞ்சிபுரம், உள்ளிட்ட பல்வேறு மாவட்டங்களில் காவல் கண்காணிப்பாளராகப் பணியாற்றினாா். இதையடுத்து டிஐஜி, ஐஜி, ஏடிஜிபி என அடுத்தடுத்து பதவி உயா்வுகளைப் பெற்ற சைலேந்திரபாபு, கடந்த 2019-ஆம் ஆண்டு மாா்ச் மாதம் 10ஆம் தேதி டிஜிபியாக பதவி உயா்வு பெற்றாா்.


    தற்போது சட்டம் மற்றும் ஒழுங்கு டிஜிபியாக பதவி உயா்வு பெற்றிருக்கும் சைலேந்திரபாபு, இரண்டு ஆண்டுகள் அந்தப் பதவியில் இருந்தார்.  உடல்நலத்தையும், ஆரோக்கியத்தையும் பேணும் சைலேந்திரபாபு இளைஞா்களுக்கு நம்பிக்கையையும், கல்வியில் ஆா்வத்தையும் தூண்டும் வகையில் பள்ளி, கல்லூரிகளில் பேசி வருகிறாா். புதிய டிஜிபியாக பதவியேற்றுக் கொண்ட சைலேந்திரபாபுவுக்கு, காவல்துறை உயா் அதிகாரிகளும், தமிழக அரசு அதிகாரிகளும் வாழ்த்துகளைத் தெரிவித்து வருகின்றன.

    No comments

    Post Top Ad

    Post Bottom Ad