Header Ads

  • சற்று முன்

    10 வயது மகனுடன் ஆபாச நடனமாடிய தாய்... நோட்டீஸ் அனுப்பிய மகளிர் ஆணையம்...

     


    சமீபகாலமாகவே இன்ஸ்டகிராம், ஃபேஸ்புக். ட்விட்டர், யூடியூப் போன்ற சமுக வலைதளங்களின் ஆதிக்கம் அதிகரித்து வருகிறது.. இதனை தொழில் மேம்பாடு, திறமைகளை வெளிப்படுத்துதல் என பலர் ஆக்கப்பூர்வமாக பயன்படுத்தினாலும், சிலர் எளிதில் பிரபலமாக எண்ணி முகம் சுழிக்க வைக்கும் காரியங்களையும் செய்து வருகின்றனர்.. 

    அதிலும், பெண்கள் பலர் அறைகுறை ஆடைகளுடன் ஆபாச நடனமாடி வீடியோக்கள் மற்றும் புகைப்படங்களை பதிவேற்றுகின்றனர். அப்படி, டெல்லியைச் சேர்ந்த பெண் ஒருவர் , சிறுவனுடன் ஆபாச நடனமாடி வீடியோ வெளியிட்டிருக்கிறார்.  10 லட்சத்திற்கும் அதிகமான ஃபாலோயர்ஸை கொண்டுள்ள அந்த பெண், தனது இன்ஸ்டகிராம் பக்கத்தில் சில தினங்களுக்கு முன் வீடியோ ஒன்றை வெளியிட்டிருந்தார். 

    அதில், அந்த பெண்  10 லிருந்து 12 வயதுடைய ஒரு சிறுவனுடன்  அருவறுக்கத்தக்க அசைவுகளுடன் ஆபாச நடனமாடியிருக்கிறார். அந்த வீடியோவில் இருந்த சிறுவன் அவருடைய மகன் என்றும் கூறப்படுகிறது. இந்த வீடியோ பதிவேற்றம் செய்யப்பட்ட சில மணி நேரங்களிலேயே லட்சக்கணக்கானோரால் பார்க்கப்பட்டு வைரலானது. இதற்கு பலரும் கண்டனம் தெரிவிக்கவே, உடனடியாக அவர் வீடியோவை  நீக்கி விட்டார்.. இருப்பினும் முன்னதாகவே அந்த வீடியோவை  இணையவாசிகள் பதிவிறக்கம் செய்து வைரலாக்கி வருகின்றனர்.

    இந்த சம்பவம் குழந்தைகள் நல செயற்பாட்டாளர்கள் மத்தியில் கடும் கொந்தளிப்பை ஏற்படுத்தியது. மேலும் டெல்லி மகளீர் ஆணையமும் இந்த விஷயத்தை கையில் எடுத்திருக்கிறது..

    சர்ச்சை வீடியோ குறித்து செய்தியாளர்கள் சந்திப்பில் பேசிய டெல்லி மகளிர் ஆணையத்தினர், "வீடியோவில் அந்த பெண்ணுடன் நடனமாடும் சிறுவனுக்கு அதிகபட்சம் 10-லிருந்து 12 வயது தான் இருக்கும். ஆனால், அவன் தன் தாயுடன் ஆபாசமாக நடனமாடுகிறான். இதில் அவன் மீது நாம் குற்றம் சொல்ல முடியாது. ஏனென்றால் அவன் சிறுவன். ஆனால் அவனுக்கு அவனுடைய தாய் எதைக் கற்பித்திருக்கிறார் என்பதைக் கண்டு நாம் அதிர்ச்சி அடைய வேண்டியதாக இருக்கிறது. சிறுவனை அந்த பெண் தவறாக வழி நடத்தியிருக்கிறார். அம்மா - மகன் என்ற புனிதமான உறவு இந்த விவகாரத்தில் களங்கப் படுத்தப்பட்டிருக்கிறது. இதே நிலை தொடர்ந்தால் அந்த சிறுவன் பிற்காலத்தில் பெண்கள் அனைவரையும் எப்படி நினைப்பான் என்று யோசிக்கவே மனம் பதைக்கிறது. எனவே இந்த விவகாரத்தில் சட்ட நடவடிக்கை எடுக்கக் கோரி டெல்லி போலீஸாருக்கு நோட்டீஸ் அனுப்பியிருக்கிறோம்" 


    மேலும் "நாங்கள் மகளிர் ஆணையத்தினர் தான் ஆனால், இது போன்ற தவறான பெண்களை ஒருபோதும் ஆதரிப்பவர்கள் அல்ல. எனவே, அந்த பெண் மீது தக்க நடவடிக்கை வேண்டும் என்று போலீஸாரை வலியுறுத்துகிறோம்" என்றார்.

    மாநில மகளிர் ஆணையம் நோட்டீஸ் அனுப்பியதை அடுத்து, டெல்லி போலீஸார் சமூக வலைத்தளங்களில் ஆபாசமாக வீடியோ பதிவிட்ட பெண் மீது வழக்குப்பதிவு செய்து விசாரிக்க உள்ளனர். அதே போல், அம்மாவுடன் சேர்ந்து நடனமாடிய சிறுவனுக்கு சிறப்பு மன நல ஆலோசனை வழங்கவும் ஏற்பாடு செய்யப்பட்டுள்ளதாக கூறப்படுகிறது.

    No comments

    Post Top Ad

    Post Bottom Ad