பஞ்சாப் அணியை வீழ்த்தி குஜராத் அணி அபாரம்!

17வது ஐபிஎல் கிரிக்கெட் சீசனில் நேற்றிரவு நடைபெற்ற 37வது லீக் போட்டியில் பஞ்சாப் அணியை வீழ்த்தி குஜராத் அணி அபார வெற்றி பெற்றது.

17வது ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 35 லீக் போட்டிகள் நடந்து முடிந்துள்ளன. இந்த நிலையில், நேற்று இரண்டு போட்டிகள் நடைபெற்றது. முல்லாப்பூரில் உள்ள மைதானத்தில் நேற்றிரவு 7.30 மணிக்கு நடைபெற்ற 37வது லீக் போட்டியில் சாம் கரண் தலைமையிலான பஞ்சாப் கிங்ஸ் அணியும் சுப்மான் கில் தலைமையிலான குஜராத் டைட்டன்ஸ் அணிகளும் பலப்பரீட்சை நடத்தின.

இப்போட்டியில் டாஸ் வென்ற பஞ்சாப் அணியின் கேப்டன் சாம் கரண் முதலில் பேட்டிங்கை தேர்வு செய்தார். இதன் காரணமாக குஜராத் அணி முதலாவது பந்துவீசியது. பஞ்சாப் அணியின் தொடக்க ஆட்டக்காரர்களாக களமிறங்கிய சாம் கரண் 20 ரன்னிலும் பிரப்சிம்ரன் சிங் 35 ரன்னிலும் ஆட்டமிழந்தனர். அடுத்து களமிறங்கிய ரில்லி ருசோ 9 ரன்னிலும் ஜிதேஷ் சர்மா 13 ரன்னிலும் ஆட்டமிழந்தனர். இறுதியில் அணியானது 20 ஓவர்கள் முடிவில் அனைத்து விக்கெடுகளையும் இழந்து 142 ரன்களுக்கு ஆல் அவுட் ஆனது. பின்னர் 143 ரன்கள் எடுத்தால் வெற்றி என்ற எளிதான இலக்குடன் குஜராத் அணி இரண்டாவது பேட்டிங் விளையாடியது.

தொடக்க ஆட்டக்காரர்களாக களமிறங்கிய விருத்திமான் சஹா 13 ரன்னிலும் சுப்மான் கில் 35 ரன்னிலும் ஆட்டமிழந்தனர். அடுத்து களமிறங்கிய சாய் சுதர்சன் சாய் சுதர்சன் 31 ரன்னிலும் டேவிட் மில்லர் 4 ரன்னிலும் ஆட்டமிழந்தனர். கடைசியில் அதிரடியாக விளையாடிய ராகுல் திவேதியா 18 பந்துகளில் 36 ரன்கள் எடுத்து அணியை வெற்றிப்பாதைக்கு வித்திட்டார். இறுதியில் அணியானது 19.1 ஓவர்களில் 7 விக்கெட்டுகள் இழந்து 146 ரன்கள் எடுத்து அபார வெற்றி பெற்றது.