‘தளபதி 69’ படத்தின் ஷூட்டிங் தேதி அறிவிப்பு.

தளபதி என்று ரசிகர்களால் கொண்டாடப்படும் விஜய் நடிப்பில் கடைசியாக கோட் திரைப்படம் வெளியாகி ஏகோபித்த வரவேற்பை பெற்றுள்ளது. அதைத்தொடர்ந்து நடிகர் விஜய், தளபதி 69 திரைப்படத்தில் நடிக்க இருக்கிறார்.

2026 சட்டமன்ற தேர்தலில் போட்டியிட தயாராகி வரும் விஜயின் கடைசி படமான தளபதி 69 படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி கடந்த சில தினங்களுக்கு முன்னர் இந்த படம் தொடர்பான அதிகாரப்பூர்வ அறிவிப்பு வெளியானது.

அதன்படி இந்த படத்தினை கேவிஎன் ப்ரொடக்ஷன்ஸ் நிறுவனம் தயாரிக்க ஹெச். வினோத் இப்படத்தினை இயக்க இருக்கிறார். அனிருத் இந்த படத்தில் இசையமைக்க உள்ளார். மேலும் இந்த படமானது அரசியல் கலந்த கதைகளத்தில் உருவாக இருக்கிறது. அடுத்தது இந்த படத்தில் நடிகை பூஜா ஹெக்டே கதாநாயகியாக நடிக்கப் போகிறார் எனவும் பாபி தியோல் வில்லனாக நடிக்கப் போகிறார் எனவும் சமூக வலைதளங்களில் தொடர்ந்து பல தகவல்கள் வெளிவந்து கொண்டிருக்கின்றன.

ஏற்கனவே வெளியான தகவலின் படி இந்த படத்தின் படப்பிடிப்பு அக்டோபர் முதல் வாரத்தில் தொடங்க இருக்கிறது. அதாவது அக்டோபர் 4ஆம் தேதி இந்த படத்தின் பூஜை நடைபெறும் எனவும் அக்டோபர் 5ஆம் தேதி இந்த படத்தின் படப்பிடிப்பு தொடங்கும் எனவும் தற்போதைய தகவல்கள் தெரிவிக்கின்றன. மேலும் இந்த படத்தின் முதல் கட்ட படப்பிடிப்பு இரண்டு வாரங்களுக்கு திட்டமிடப்பட்டுள்ளதாகவும் அதில் பாடல் காட்சி ஒன்று படமாக்கப்பட இருப்பதாகவும் சொல்லப்படுகிறது.

இதற்காக செட் அமைக்கும் பணிகள் நடைபெற்று வருகிறதாம். இனிவரும் நாட்களில் மற்ற அப்டேட்டுகளும் வெளியாகும் என்று எதிர்பார்க்கப்படுகிறது.