‘கங்குவா’ ப்ரோமோஷனில் ரசிகர்களுடன் செல்ஃபி எடுத்துக் கொண்ட சூர்யா!

 கங்குவா படத்தில் ப்ரொமோஷன் பணிகள் மும்பையில் நடைபெற்று வருகிறது.சூர்யாவின் 42வது படமாக உருவாக இருக்கும் கங்குவா திரைப்படம் வருகின்ற நவம்பர் 14ஆம் தேதி திரைக்கு வர தயாராகி வருகிறது. இந்த படத்தினை சிறுத்தை சிவா இயக்க ஸ்டுடியோ கிரீன் நிறுவனம் படத்தினை தயாரித்திருக்கிறது. தேவி ஸ்ரீ பிரசாத் இதற்கு இசையமைத்துள்ளார். வெற்றி பழனிசாமி இதன் ஒளிப்பதிவு பணிகளை மேற்கொண்டுள்ளார்.

3D தொழில்நுட்பத்தில் பீரியாடிக் படமாக உருவாகி இருக்கும் இந்த படத்தில் திஷா பதானி, கோவை சரளா, யோகி பாபு உள்ளிட்டோர் நடித்திருக்கின்றனர். மேலும் பாபி தியோல் இந்த படத்தில் வில்லனாக நடித்திருக்கிறார். அடுத்தது இரண்டு பாகங்களாக வெளியாகும் கங்குவா முதல் பாகத்தில் கிளைமாக்ஸில் நடிகர் கார்த்தி சிறப்பு தோற்றத்தில் நடித்திருப்பதாகவும் இரண்டாம் பாகத்தின் தொடர்ச்சியாக கார்த்தியின் காட்சிகள் இருக்கும் எனவும் சொல்லப்படுகிறது.

அதுமட்டுமில்லாமல் கங்குவா 2 திரைப்படம் முழுவதும் வில்லனாக நடித்திருக்கும் கார்த்திக்கும் – சூர்யாக்கும் இடையிலான காட்சிகள் தான் பெரும்பாலும் இடம்பெற்றிருக்கும் என்று தகவல் வெளியாகி வருகிறது. இவ்வாறு மிகுந்த எதிர்பார்ப்புகளுடனும் மிக பிரம்மாண்டமாகவும் உருவாகி இருக்கும் இந்த படத்தினை காண ரசிகர்கள் பலரும் மிகுந்த எதிர்பார்ப்புடன் காத்துக் கொண்டிருக்கின்றனர்.

ஏனென்றால் படம் தொடர்பாக வெளிவரும் ஒவ்வொரு அப்டேட்டுகளும் படத்தின் மீதான ஹைப்பை அதிகரித்து வருகிறது. இந்நிலையில் சூர்யா மற்றும் சிறுத்தை சிவா ஆகிய படக்குழுவினர் மும்பையில் நடைபெறும் கங்குவா ப்ரோமோஷன் நிகழ்ச்சியில் கலந்து கொண்டுள்ளனர். அப்போது நடிகர் சூர்யா ரசிகர்களுடன் செல்ஃபி எடுத்துக் கொண்டுள்ளார். இது தொடர்பான புகைப்படங்கள் இணையத்தில் வைரலாகி வருகின்றன.