நாடாளுமன்ற தேர்தலையொட்டி சென்னை நீலாங்கரையில் நாம் தமிழர் கட்சியின் ஒருங்கிணப்பாளர் சீமான் தனது மனைவியுடன் தனது வாக்கினை செலுத்தினார்.
மக்களவை தேர்தலானது (2024) தமிழகம் மற்றும் புதுச்சேரியில் உள்ள 40 தொகுதிகளுக்கும் இன்று ஒரே கட்டமாக வாக்குப்பதிவு நடைபெறவுள்ளது. இந்த நிலையில், தமிழகத்தில் நாடாளுமன்ற தேர்தலுக்கான வாக்குப்பதிவு இன்று காலை 7 மணிக்கு தொடங்கியது. வாக்காளர்கள் நீண்ட வரிசையில் காத்திருந்து தங்களது வாக்குகளை பதிவு செய்து வருகின்றனர். காலை 7 மணிக்கு தொடங்கும் வாக்குப்பதிவானது மாலை 6 மணிக்கு நிறைவு பெறுகிறது. தமிழ்நாட்டில் மக்களவை தேர்தலுக்காக 1,58,568 மின்னணு வாக்கு இயந்திரங்கள் பயன்படுத்தப்பட்டுள்ளது.
தமிழகத்தில் மக்களவை தேர்தலையொட்டி திமுக, அதிமுக, பாஜக கட்சிகள் கூட்டணியுடன் போட்டியிடும் நிலையில், நாம் தமிழர் கட்சி மட்டும் 40 தொகுதிகளிலும் தனித்தே போட்டி போட்டியிடுகிறது. இந்நிலையில் நாம் தமிழர் கட்சியின் தலைமை ஒருங்கிணைப்பாளர் சீமான் சென்னை நீலாங்கரையில் உள்ள வாக்குச்சாவடியில் தனது மனைவி கயல்விழியுடன் வந்து வாக்கினை செலுத்தினார்.
