சென்னையில் இன்று தங்கம் விலை சவரனுக்கு ரூ.240 உயர்ந்து ஒரு சவரன் தங்கத்தின் விலை ரூ.52,880க்கு விற்பனை செய்யப்பட்டு வருகிறது.
சர்வதேச அளவில் நிகழும் பொருளாதார மாற்றம் மற்றும் அமெரிக்க டாலரின் மதிப்பு உள்ளிட்டவற்றின் காரணமாக தங்கம் விலை ஒவ்வொரு நாளும் ஏற்ற இறக்கங்களை சந்தித்து வருகிறது. அந்த வகையில் சென்னையில் தங்கம் விலை கடந்த சில நாட்களாக ஏற்ற, இறக்கங்களை சந்தித்து வருகிறது. ஒரு நாள் ஏறுவதும், மறுநாள் இறங்குவதுமாக தங்கம் விலை இருந்து வருகிறது. இந்த நிலையில், நேற்று சென்னையில் ஆபரண தங்கம் விலை சவரனுக்கு 80 ரூபாய் உயர்ந்து ஒரு சவரன் தங்கம் ரூ.52,880-க்கு விற்பனை செய்யப்பட்டது. இதேபோல் ஆபரண தங்கம் கிராமுக்கு 10 ரூபாய் உயர்ந்து ஒரு கிராம் தங்கம் ரூ.6,610-க்கு விற்பனை செய்யப்பட்டது.
இந்த நிலையில், இன்றும் தங்கம் விலை அதிரடியாக உயர்ந்துள்ளது. சென்னையில் இன்று தங்கம் விலை சவரனுக்கு ரூ.240 உயர்ந்துள்ளது. இதன் காரணமாக ஒரு சவரன் தங்கத்தின் விலை ரூ.53,120-க்கு விற்பனை செய்யப்பட்டு வருகிறது. இதேபோல் ஆபரண தங்கத்தின் விலை கிராமுக்கு 30 ரூபாய் உயர்ந்து ஒரு கிராம் தங்கம் ரூ.6,640-க்கு விற்பனை செய்யப்பட்டு வருகிறது. தங்கத்தை போல வெள்ளி விலையும் இன்று உயர்ந்துள்ளது. வெள்ளி விலை இன்று கிராமுக்கு ஒரு ரூபாய் உயர்ந்து ரூ.88.50க்கும், கிலோவுக்கு ரூ.1000 உயர்ந்து ரூ.88,500க்கும் விற்பனை செய்யப்பட்டு வருகிறது. தங்கம் விலை தொடர்ந்து அதிகரித்து வருவதால் இல்லத்தரசிகள் கவலை அடைந்துள்ளனர்.
