மக்களவை தேர்தலையொட்டி சென்னை திருவான்மியூரில் உள்ள வாக்குச்சாவடி மையத்தில் முதல் நபராக தனது வாக்கினை செலுத்தினார் வாக்களிப்பதற்காக நடிகர் அஜித்.
நாடாளுமன்ற தேர்தல் மொத்தம் 7 கட்டங்களாக நடைபெறவுள்ளது. தமிழகம் மற்றும் புதுச்சேரியில் உள்ள 40 தொகுதிகளுக்கும் இன்று ஒரே கட்டமாக வாக்குப்பதிவு நடைபெறவுள்ளது. இந்த நிலையில், தமிழகத்தில் நாடாளுமன்ற தேர்தலுக்கான வாக்குப்பதிவு தொடங்கியது. வாக்காளர்கள் நீண்ட வரிசையில் காத்திருந்து தங்களது வாக்குகளை பதிவு செய்து வருகின்றனர். தமிழ்நாட்டில் 6.23 கோடி வாக்காளர்கள் உள்ளனர். முதல் முறை வாக்காளர்கள் எண்ணிக்கை 10.92 லட்சம் பேர் உள்ளனர். 68,321 வாக்குச்சாவடிகள் அமைக்கப்பட்டுள்ளன. 3.32 லட்சம் பேர் தேர்தல் பணியில் ஈடுபட்டுள்ளனர். காலை 7 மணிக்கு தொடங்கும் வாக்குப்பதிவு மாலை 6 மணிக்கு நிறைவு பெறுகிறது. தமிழ்நாட்டில் மக்களவை தேர்தலுக்காக 1,58,568 மின்னணு வாக்கு இயந்திரங்கள் பயன்படுத்தப்பட்டுள்ளது.
இந்த நிலையில் சென்னை திருவான்மியூரில் உள்ள வாக்குச்சாவடி மையத்திற்கு போலீஸ் பாதுகாப்புடன் நடிகர் அஜித் முதல் ஆளாக வருகை தந்தார். சுமார் 20 நிமிடங்கள் வரிசையில் காத்திருந்த அவர் முதல் நபராக தனது வாக்கினை செலுத்தினார்.
