நாடாளுமன்ற தேர்தலையொட்டி தென் சென்னை தொகுதியில் ஒன்றான வேளச்சேரியில் திமுக வேட்பாளர் தமிழச்சி தங்கபாண்டியனை ஆதரித்து அமைச்சர் உதயநிதி ஸ்டாலின் தேர்தல் பிரச்சாரம் மேற்கொண்டார்.
நாடாளுமன்ற தேர்தலை முன்னிட்டு நாடு முழுவதும் அரசியல் கட்சியினர் தீவிர தேர்தல் பிரச்சாரத்தில் ஈடுபட்டு வருகின்றனர். தமிழகத்தை பொறுத்தவரையில், திமுக, அதிமுக, பாஜக மற்றும் நாம் தமிழர் கட்சி என நான்கு முனை போட்டி நிலவி வருகிறது. திமுக சார்பில் அமைச்சர் உதயநிதி ஸ்டாலின், வேட்பாளர்களை ஆதரித்து தமிழக முழுவதும் சூறாவளி பிரசாரம் மேற்கொண்டு வருகிறார்.
இந்த நிலையில், பேரறிஞர் அண்ணா அவர்கள் போட்டியிட்டு வென்ற தென்சென்னை தொகுதியில் போட்டியிடும் கழக வேட்பாளர் அக்கா @ThamizhachiTh அவர்களுக்கு நம் வெற்றிச்சின்னமாம் உதயசூரியனுக்கு ஆதரவாக வேளச்சேரி காந்தி சாலையில் இன்று வாக்குச் சேகரித்தோம். முதலமைச்சரின் காலைச்சிற்றுண்டித் திட்டம் போன்ற நம் திராவிட மாடல் அரசின் திட்டங்கள், இந்தியா மட்டுமின்றி கனடா போன்ற நாடுகளில் செயல்படுத்தப்படுவதை எடுத்துச் சொல்லி பரப்புரை மேற்கொண்டோம். இந்தியா கூட்டணியின் வெற்றியை தெற்கிலிருந்து உறுதி செய்ய தென் சென்னையின் பங்களிப்பு முக்கியமானது என்பதை எடுத்துக்கூறி, உரையாற்றினோம்.
