பிரபாஸ் படத்தில் நடிகர் மம்மூட்டி லேட்டஸ்ட் அப்டேட்!

நடிகர் பிரபாஸ் கடைசியாக கல்கி 2898AD எனும் திரைப்படத்தில் நடித்திருந்தார். இந்த படத்தை நாக் அஸ்வின் இயக்கியிருந்த நிலையில் இந்த படம் கிட்டத்தட்ட 1100 கோடிக்கும் அதிகமாக வசூல் செய்து சாதனை படைத்தது.

அதைத்தொடர்ந்து பிரபாஸ் தி ராஜா சாப் எனும் திரைப்படத்தில் நடித்து வருகிறார். இந்த படம் அடுத்த ஆண்டு ஏப்ரல் 10ம் தேதி திரைக்கு வர இருக்கிறது. அதே சமயம் நடிகர் பிரபாஸ் பிரசாந்த் நீல் இயக்கத்தில் சலார் 2, சந்திப் ரெட்டி வாங்க இயக்கத்தில் ஸ்பிரிட் ஆகிய படங்களில் நடிப்பதற்கு கமிட் ஆகியுள்ளார்.

இதில் ஸ்பிரிட் படம் தொடர்பான அதிகாரப்பூர்வ அறிவிப்பு கடந்த சில தினங்களுக்கு முன்னர் வெளியானது. அதாவது பிரபாஸின் 25 வது படமாக உருவாகும் இந்த படத்தில் நடிகர் பிரபாஸ் போலீஸ் அதிகாரியாக நடிப்பதாக சொல்லப்படுகிறது. மேலும் இந்த படத்தில் சைஃப் அலிகான் மற்றும் கரீனா கபூர் ஆகியோர் நெகட்டிவ் ரோலில் நடிக்கிறார்கள் என்று ஏற்கனவே தகவல்கள் கசிந்திருந்தது.

இவ்வாறு படம் தொடர்பான அடுத்தடுத்த அப்டேட்கள் தொடர்ந்து வெளியாகி வந்து கொண்டிருக்கின்றன. இந்நிலையில் இந்த படத்தில் பிரபல மலையாள நடிகர் மம்மூட்டி முக்கிய கதாபாத்திரத்தில் நடிப்பதற்கு ஒப்பந்தமாகியுள்ளதாக புதிய அப்டேட் வெளிவந்துள்ளது. மேலும் ஸ்ப்ரிட் திரைப்படமானது 2026 ஆம் ஆண்டு கிட்டத்தட்ட 8 மொழிகளில் வெளியாக இருக்கிறது எனவும் சொல்லப்படுகிறது. இருப்பினும் இது தொடர்பான அதிகாரப்பூர்வ அறிவிப்பு இனிவரும் நாட்களில் வெளியாகும் என்று நம்பப்படுகிறது.