தக் லைஃப்’ படத்தின் டிரைலர் ரிலீஸ் இந்த தேதியில் தான்!

தக் லைஃப் படத்தின் டிரைலர் குறித்த அப்டேட் வெளியாகியுள்ளது. மணிரத்னம், கமல்ஹாசன் கூட்டணியில் உருவாகி வரும் திரைப்படம் தான் தக் லைஃப். இந்த படத்தில் கமல்ஹாசன் உடன் இணைந்து சிம்பு முக்கிய கதாபாத்திரத்தில் நடித்திருக்கிறார். இந்த படத்தில் நடிகர் சிம்பு, கமல்ஹாசனுக்கு மகனாக நடித்துள்ளார் என்று சொல்லப்படுகிறது.

மேலும் திரிஷா, அசோக் செல்வன், கௌதம் கார்த்திக், நாசர், அபிராமி, ஐஷ்வர்யா லக்ஷ்மி உள்ளிட்ட பலரும் நடித்திருக்கின்றனர். ஆக்ஷன் கலந்த கேங்ஸ்டர் கதை களத்தில் உருவாகும் இந்த படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் தயாரிக்க ஏ ஆர் ரகுமான் இதற்கு இசையமைத்துள்ளார்.

ஏற்கனவே இந்த படத்தின் படப்பிடிப்புகள் புதுடெல்லி, புதுச்சேரி, ராஜஸ்தான் போன்ற பகுதிகளில் நடைபெற்று முடிந்துள்ளது. அடுத்தது படத்தில் போஸ்ட் புரொடக்ஷன் பணிகள் தொடங்கப்பட்டு விறுவிறுப்பாக நடைபெற்று வருகிறது.

மேலும் இந்த படமானது இந்த ஆண்டு இறுதியில் வெளியாகும் என்று சொல்லப்படுகிறது. அப்படி இல்லை என்றால் அடுத்த ஆண்டு பொங்கல் அல்லது கோடை விடுமுறையில் வெளியாகும் என்று தகவல் வெளியாகியுள்ளது. இந்நிலையில் இந்த படத்தின் டிரைலர் குறித்த அப்டேட் வெளியாகியுள்ளது.

அதன்படி தக் லைஃப் படத்தின் டிரைலர் வருகின்ற நவம்பர் 7ஆம் தேதி வெளியாகும் என புதிய தகவல்கள் தெரிவிக்கின்றன. இருப்பினும் இது தொடர்பான அதிகாரப்பூர்வ அறிவிப்பு இனிவரும் நாட்களில் வெளியாகும் என்று நம்பப்படுகிறது.