அர்ஜுன் தாஸ் மற்றும் அதிதி சங்கர் நடிப்பில் புதிய படத்தின் டைட்டில் டீசர் வெளியாகி உள்ளது.நடிகர் அர்ஜுன் தாஸ் தமிழ் சினிமாவில் கார்த்தி நடிப்பில் வெளியான கைதி திரைப்படத்தின் மூலம் ரசிகர்கள் மத்தியில் பிரபலமானவர். அதைத் தொடர்ந்து மாஸ்டர் போன்ற படங்களில் நடித்து வந்த இவர் தற்போது ஹீரோவாக தொடர்ந்து பல படங்களை நடித்து வருகிறார். ஏற்கனவே அநீதி, ரசவாதி போன்ற படங்களில் ஹீரோவாக நடித்திருக்கிறார் அர்ஜுன் தாஸ். அடுத்தது குட் நைட் மற்றும் லவ்வர் ஆகிய திரைப்படங்களை தயாரித்த மில்லியன் டாலர் ஸ்டுடியோஸ் நிறுவனம் தயாரிக்கும் புதிய படம் ஒன்றில் நடித்துள்ளார்.
இந்த படத்தினை விக்னேஷ் ஸ்ரீகாந்த் இயக்கியிருக்கும் நிலையில் ஹேஷம் அப்துல் வாகப் படத்திற்கு இசையமைத்துள்ளார். அரவிந்த் விஸ்வநாதன் இதன் ஒளிப்பதிவு பணிகளை கவனித்துள்ளார். ரொமான்டிக் காதல் கதை களத்தில் உருவாகி இருக்கும் இந்த படத்தில் அர்ஜுன் தாஸுக்கு ஜோடியாக அதிதி சங்கர் நடித்திருக்கிறார்.
இந்த படத்தின் படப்பிடிப்புகள் ஏற்கனவே நிறைவடைந்துள்ள நிலையில் இந்த படத்தின் டைட்டில் டீசரை பட குழு வெளியிட்டுள்ளது. அதன்படி இந்த படத்திற்கு ஒன்ஸ் மோர் என்று தலைப்பு வைக்கப்பட்டுள்ளது. அத்துடன் போஸ்டர் ஒன்றும் வெளியிடப்பட்டுள்ளது. அந்த போஸ்டரில் இந்த படம் 2025 காதலர் தினத்தை முன்னிட்டு வெளியாகும் என்று குறிப்பிடப்பட்டுள்ளது.
