நடிகர் ஜெயம் ரவி தனது மனைவி ஆர்த்தியை காதலித்து திருமணம் செய்து கொண்டவர். இருவருக்கும் ஆரவ் மற்றும் ஆயன் என இரு மகன்கள் இருக்கிறார்கள்.
இந்த நிலையில் தான் கடந்த சில தினங்களுக்கு முன்பாக நடிகர் ஜெயம் ரவி தனது மனைவி ஆர்த்தியை பிரிவதாக அறிக்கை ஒன்றின் மூலம் அறிவித்திருந்தார். இந்த தகவல் திரையுலகினரை மட்டுமல்லாமல் ரசிகர்களையும் அதிர்ச்சியில் ஆழ்த்தியது. அதைத் தொடர்ந்து இவர்களின் பிரிவிற்கு யார் காரணம் என்பது போன்ற விவாதங்கள் சமூக வலைதளங்களில் நடைபெற்று வந்தது.
அதன்படி நடிகர் தனுஷ் காரணம் என்று ஒரு பக்கம் தகவல் வெளியாகி வர, பாடகி கெனிஷா தான் காரணம் என மற்றொரு பக்கம் செய்திகள் பரவத் தொடங்கியது.இது தொடர்பாக சமீபத்தில் செய்தியாளர்களை சந்தித்து பேசிய ஜெயம் ரவி, கெஷாவிற்கும் என்னுடைய தனிப்பட்ட வாழ்க்கைக்கும் எந்தவித சம்பந்தமும் இல்லை என்று தெரிவித்திருந்தார். இந்நிலையில் ஜெயம் ரவி திடீரென அடையாளம் துணை ஆணையர் அலுவலகத்தில் தனது மனைவி ஆர்த்தி மீது புகார் கொடுத்துள்ளார்.
அந்த புகாரில், சென்னை ஈ சி ஆர் சாலையில் உள்ள ஆர்த்தி வீட்டில் இருக்கும் தன்னுடைய உடைமைகளை மீட்டுத் தரும்படி காவல்துறையிடம் கோரிக்கை விடுத்துள்ளார். ஏற்கனவே ஆர்த்தி- ஜெயம் ரவி விவாகரத்து விவகாரம் அதிர்வலையை ஏற்படுத்தியுள்ள நிலையில் தற்போது அவர் காவல்துறையில் புகார் அளித்திருப்பது பெரும் பரபரப்பை ஏற்படுத்தியிருக்கிறது.
