நடிகர் சசிகுமார் ஆரம்பத்தில் இயக்குனராக திரைத்துறையில் நுழைந்து அதன் பின்னர் தொடர்ந்து பல படங்களை ஹீரோவாக நடித்து வருகிறார். சமீபத்தில் இவரது நடிப்பில் நந்தன் எனும் திரைப்படம் வெளியாகி ரசிகர்கள் மத்தியில் பாசிட்டிவான விமர்சனங்களை பெற்று வருகிறது.
அதே சமயம் எவிடன்ஸ், ஃப்ரீடம் என பல படங்களை கைவசம் வைத்துள்ளார் சசிகுமார். இதற்கிடையில் இவர் குட் நைட் படத்தினை தயாரித்த மில்லியன் டாலர் ஸ்டுடியோஸ் நிறுவனத்தின் தயாரிப்பில் புதிய படம் ஒன்றில் நடிக்கப் போகிறார் என்று ஏற்கனவே செய்திகள் வெளியானது.
அதுமட்டுமில்லாமல் அந்த படத்தில் சசிகுமார் உடன் இணைந்து நடிகை சிம்ரன் முக்கிய கதாபாத்திரத்தில் நடிக்கிறார் என்று சொல்லப்பட்டது. இந்நிலையில் இதன் கூடுதல் தகவல் என்னவென்றால் சசிகுமார், சிம்ரன் கூட்டணியில் உருவாகும் புதிய படத்தின் படப்பிடிப்பு பூஜையுடன் தொடங்கப்பட்டுள்ளது.
இது தொடர்பான புகைப்படங்களை மில்லியன் டாலர் ஸ்டுடியோஸ் நிறுவனம் தனது சமூக வலைதள பக்கத்தில் பகிர்த்துள்ளது.மேலும் இந்த படத்தினை அபிஷன் ஜீவிந்த் இயக்குவதாகவும் படத்திற்கு ஷான் ரோல்டன் இசையமைப்பதாகவும் தெரிவிக்கப்பட்டுள்ளது. மேலும் படம் தொடர்பான மற்ற அப்டேட்டுகள் இனிவரும் நாட்களில் வெளியாகும் என்று எதிர்பார்க்கப்படுகிறது.
