மும்பை அணிக்கு எதிரான போட்டியில் சென்னை முதல் பேட்டிங்கில் 20 ஓவர்கள் முடிவில் 4 விக்கெட்டுகள் இழந்து 206 ரன்கள் குவித்துள்ளது.
ஐபிஎல் கிரிக்கெட் தொடர் தொடர் கடந்த மார்ச் மாதம் 22ம் தேதி தொடங்கியது. இதுவரை 28 லீக் போட்டிகள் நடந்து முடிந்துள்ளன. இந்த நிலையில், இன்று 29வது லீக் போட்டி நடைபெற்றது. மும்பையில் உள்ள வான்கடே மைதானத்தில் நடைபெற்ற இப்போட்டியில் ருத்ராஜ் கெய்க்வாட் தலைமையிலான சென்னை சூப்பர் கிங்ஸ் அணியும், ஹர்திக் பாண்டியா தலைமையிலான மும்பை இந்தியன்ஸ் அணியும் பலப்பரீட்சை நடத்தின. இப்போட்டியில் டாஸ் வென்ற மும்பை இந்தியன்ஸ் அணியின் கேப்டன் ஹர்திக் பாண்டியா பந்துவீச்சை தேர்வு செய்தார். இதன் காரணமாக சென்னை அணி முதலாவதாக பேட்டிங் செய்யவுள்ளது.
சென்னை அணியில் தொடக்க ஆட்டக்காரர்களாக களமிறங்கிய ரஹானே 5 ரன்னிலும் ரச்சின் ரவீந்திரா 21 ரன்னிலும் ஆட்டமிழந்தனர். அடுத்து களமிறங்கிய ருத்ராஜ் கெய்க்வாட் 69 ரன்னில் ஆட்டமிழக்க, சிவம் துபே 66 ரன்னில் ஆட்டமிழக்காமல் இருந்தார். கடைசியில் அதிரடி காட்டிய எம்எஸ் தோனி 4 பந்துகளில் 20 ரன்கள் எடுத்து அணியை 200 ரன்கள் கடக்க வைத்தார். இறுதியில் அணியானது 20 ஓவர்கள் முடிவில் 4 விக்கெட்டுகள் இழந்து 206 ரன்கள் குவித்தது. பின்னர் 207 ரன்கள் எடுத்தால் வெற்றி என்ற இலக்குடன் மும்பை அணி விளையாடவுள்ளது.
