17வது ஐபிஎல் சீசனில் இன்று நடைபெறும் 15வது லீக் போட்டியில் பெங்களூர்vsலக்னோ அணிகள் நேருக்கு நேர் மோதுகின்றன.
17வது ஐபிஎல் கிரிக்கெட் தொடர் கடந்த 22ம் தேதி தொடங்கியது. இதுவரை 14 போட்டிகள் நடந்து முடிந்துள்ள நிலையில், இன்று 15வது லீக் போட்டி நடைபெறவுள்ளது. இதுவரை நடந்து முடிந்த போட்டிகளின் அடிப்படையில் ராஜஸ்தான் அணி 3 வெற்றிகளுடன் புள்ளிப்பட்டியலில் முதல் இடத்தில் உள்ளது. கொல்கத்தா அணி இரண்டு வெற்றி ஒரு தோல்வியுடன் புள்ளிப்பட்டியலில் இரண்டாவது இடத்தில் உள்ளது. சென்னை அணி இரண்டு வெற்றி ஒரு தோல்வியுடன் புள்ளிப்பட்டியலில் 3வது இடத்தில் உள்ளது. குஜராத் அணி இரண்டு வெற்றி ஒரு தோல்வியுடன் புள்ளிப்பட்டியலில் 4வது இடத்தில் உள்ளது.
இந்த நிலையில், இன்று நடைபெறவுள்ள 15வது ஐபிஎல் லீக் போட்டியில் ராயல் சேலஞ்சர்ஸ் பெங்களூரும் லக்னோ சூப்பர் ஜெயண்ட்ஸ் அணிகள் மோதுகின்றன. பெங்களூரில் உள்ள சின்னசாமி மைதானத்தில் இரவு 7.30 மணிக்கு தொடங்கும் போட்டியில் பாப் டூ பிளசிஸ் தலைமையிலான ராயல் சேலஞ்சர்ஸ் பெங்களூரு அணியும், கேஎல் ராகுல் தலைமையிலான லக்னோ சூப்பர் ஜெயண்ட்ஸ் அணியும் பலப்பரீட்சை நடத்துகின்றன. பெங்களூரு அணியை பொறுத்தவரை இதுவரை நடைபெற்ற 3 போட்டிகளில் இரண்டு தோல்வி ஒரு வெற்றியுடன் புள்ளி பட்டியலில் 9வது இடத்தில் உள்ளது. லக்னோ அணியை பொறுத்தவரை இதுவரை நடைபெற்ற இரண்டு போட்டிகளில் ஒரு வெற்றி ஒரு தோல்வியுடன் புள்ளி பட்டியலில் 6வது இடத்தில் உள்ளது. இவ்விரு அணிகளும் இதுவரை நேருக்கு நேர் 4 போட்டிகளில் மோதியுள்ளன. இதில் பெங்களூர் அணி 3 முறையும் லக்னோ அணி ஒரு முறையும் வெற்றி பெற்றுள்ளன.
