தொடர் தோல்வியிலிருந்து விடுபடுமா பெங்களூரு – ஐதரபாத் அணியுடன் இன்று பலப்பரீட்சை!

17வது ஐபிஎல் கிரிக்கெட் சீசனில் இன்று நடைபெறும் 41வது லீக் போட்டியில் ஐதராபாத்vsபெங்களூரு அணிகள் பலப்பரீட்சை நடத்துகின்றன.

17வது ஐபிஎல் கிரிக்கெட் தொடர் கடந்த மார்ச் மாதம் 22ம் தேதி தொடங்கியது. இதுவரை 40 லீக் போட்டிகள் நடந்துள்ளன. இந்த நிலையில், இன்று 41வது லீக் போட்டி நடைபெறுகிறது. ஐதரபாத்தில் உள்ள ராஜீவ் காந்தி மைதானத்தில் இன்று இரவு 7.30 மணிக்கு நடைபெறும் 41வது லீக் போட்டியில் பேட் கம்மின்ஸ் தலைமையிலான சன் ரைசர்ஸ் ஐதராபாத் அணியும் பாப் டூ பிளசிஸ் தலைமையிலான ராயல் சேலஞ்சர்ஸ் பெங்களூரு அணியும் பலப்பரீட்சை நடத்துகின்றன. ஐதராபாத் அணியை பொறுத்தவரை இதுவரை விளையாடியுள்ள 7 போட்டிகளில் 5 வெற்றி 2 தோல்வியுடன் புள்ளிப்பட்டியலில் 3வது முதலாவது இடத்திலுள்ளது. பெங்களூரு அணியை பொறுத்தவரை இதுவரை விளையாடியுள்ள 8 போட்டிகளில் 1 வெற்றி 7 தோல்விகளுடன் புள்ளிப்பட்டியலில் 10வது இடத்திலுள்ளது.

இவ்விரு அணிகளும் இதுவரை 23 போட்டிகளில் நேருக்கு நேர் மோதியுள்ளன. இதில் ஐதராபாத் அணி 13 முறையும் பெங்களூரு அணி 10 முறையும் வெற்றி பெற்றுள்ளன. நடப்புத் தொடரில் கடந்த 30வது லீக் போட்டியில் இரு அணிகளிலும் மோதிய ஆட்டத்தில் ஐதாராபாத் அணி 287 ரன்கள் குவித்து வெற்றி பெற்றது. குறிப்பிடத்தக்கது. தற்போது பெங்களூரு அணி அதற்கு பதிலடி கொடுக்குமா என ஆவலுடன் எதிர்ப்பார்க்கப்படுகிறது.